 |
| रोहित राना |
उदाउँछ किन बिहान घाम, म सोच्दैछु
दुखाउँछ किन मन अनायासै,म सोच्दैछु
पलपल मरेर नि जिउनु पर्ने कस्तो जीवन
चुडाउँछ किन सपनाहरु व्यर्थ,म सोच्दैछु
जीवनका सहास शिथिल,हुँदैछन हिजो आज
बुझाउँछ किन जीवनको दियो,म सोच्दैछु
उतार चढाव के-के आइ पर्ने हो जिन्दगीमा
जुताउँछ किन नसोंचेको हण्डर,म सोच्दैछु
रोहित राना
बुटवल-रुपन्देही
हाल-काबुल, अफ्गान
No comments :
Post a Comment