49.माया गर्दा घात पाएँ, न यता भएँ, न उता भएँ

माया गर्दा घात पाएँ, न यता भएँ, न उता भएँ 

चोखो प्रित्मा जात पाएँ, न यता भएँ, न उता भएँ 

यो समाजको रित संग ठगिएको मान्छे रैछु म
ठुलो अप'बात पाएँ, न यता भएँ, न उता भएँ 

पीडाले छाती चर्कीएर रुदा मैले सबैले ट्वाल्ल 
हेर्ने त्यो'ज'मात पाएँ न यता भएँ न उता भएँ  

खुशीका दिप जलाउने रहर बोक्दा जिन्दगीमा 
कालो औशी रात पाएँ, न यता भएँ, न उता भएँ  

भन्ने गर्थ्यौ हामी संगै संगै जिउने भनेर तर 
खालि रित्तो हात पाएँ, न यता भएँ, न उता भएँ 

जिन्दगीको शुभ मुहुर्त खोज्दा आखिर त्यो दशाहा  
ग्रह साढें सात पाएँ, न यता भएँ, न उता भएँ 

Suraj gurung 
हाल :- ५/१ गोर्खा राइफल भारत