 |
| शाहदेब कटवाल |
सृष्टीकी तिमी जननी जगतकी माता नारी
पुरुषको भाग्य लेख्ने भाग्य बिधाता नारी ।
सुनारको सय चोटलाई लोहारको एकै चोट
बनाउने तागत तिम्रो सबैकी बाध्याता नारी ।
सहनशील पृथ्वी र काली पनि बन्न सक्ने
राम रावण दिन सक्ने जन्मदाता नारी ।
द्रौपदी भै बहुपति स्वीकार्न सक्ने अनि
अग्नी परीक्षा दिने सीता पतिव्रता नारी ।
सौभाग्य र सौन्दर्यकी नरित्तिने खानी तिमी
काँडामा पनि झेलिन सक्ने तरुलता नारी ।
शाहदेब कटवाल
हाल अबुधाबी
No comments :
Post a Comment