लाउदै नलाई गुन, तिर भन्छौ तिमी ।खै कहिलेको नुन, तिर भन्छौ तिमी ।
झुटो हिसाब बनाउन कहाँबाट सिक्यौ ?
दिदै नदिइ सुन, तिर भन्छौ तिमी ।
मेरोलागि कसैले सिन्को भच्या छैन
केको बदला खुन, तिर भन्छौ तिमी ।
सिक्ने सबै पास हुँदैनन थाहै होला पक्कै
जन्दै नजनेको धुन, तिर भन्छौ तिमी ।
फुल टिपेर कसैलाई दिने आट त छैन
झार्छु भन्या जुन, तिर भन्छौ तिमी ।
राम्रो काम पो थालिछौ छिट्टै धनी हुने
भन अझै कुन कुन, तिर भन्छौ तिमी ।
नविन नेपाल
भक्तपुर,नेपाल
No comments :
Post a Comment