489.दु:खको पहाड, ढालेरै छोड्छु |

दु:खको पहाड, ढालेरै छोड्छु |
खुशीको दियो, बालेरै छोड्छु |

भेटिउन जस्तै, अप्ठ्यारा बाटा ,
यी पाईला त्यहाँ, चालेरै छोड्छु |

परिश्रम गर्छु, पसिना रोप्छु ,
त्यो कठोर चट्टान, गालेरै छोड्छु |

हो फाट्यो मुटु, धोकाले हिजो ,
साहस जुटाई, टालेरै छोड्छु |

जिउँनेछु हाँस्दै, दुनियाँ माँझ ,
सुखले जीवन, पालेरै छोड्छु |

टिका खड्का (राष्ट्रप्रेमी)
मधुमल्ला-४
मोरंग ,

469.जलि उडे स्वप्न मेरा, बादल बनिगए |

जलि उडे स्वप्न मेरा, बादल बनिगए |
परेलीमै सुके आँसु , न भल बनिगए |

सँगै जिउँछु मर्छु भन्थ्यौ, हिजो सम्म तिमी ,
तिम्रा बाचा झुटो प्रेमको, नक्कल बनिगए |

बल्झी रन्छन् ती पुराना, घाऊ छातीभित्र ,
मेरा दु:ख झल्काई राख्ने, आँचल बनिगए |

चुम्छौँ भन्थे रहरहरु, लक्ष्य जिन्दगीका ,
कर्म आफ्नै खोटी हुँदा, विफल बनिगए |

रुँदै थिए शब्दहरु, म रोएको देखी ,
हेर तिनै शब्द मेरा, गजल बनिगए |

टिका खड्का (राष्ट्रप्रेमी)
मधुमल्ला -४
मोरंग ,

332.महंगीले नेटो काट्यो, बाँच्नै गाह्रो भयो हजुर !

महंगीले नेटो काट्यो,  बाँच्नै गाह्रो भयो हजुर !

ओठभरि खुशी फूलाई, हाँस्नै गाह्रो भयो हजुर !

.

बग्छ आँसु  सिसासरी चर्किएर दुख्दा छाती ,

परेलीमा स्वप्नसुन्दर साँच्नै गाह्रो भयो हजुर !

.

पहाड जति तेरो भन्छन्, तराई सबै मेरो भन्छन् ,

सिंगो देश छाती माथी, टाँस्नै गाह्रो भयो हजुर !

.

अविश्वासको फाटो बढ्यो, नेपालीमै आज यहाँ ,

भावनाको एउटै माला, गाँस्नै गाह्रो भयो हजुर !

.

उजाड हुँदा बन पाखा,  रुँदै छ त्यो   डाँफे पनि ,

बिचरोलाई हाँस्दै रम्दै, नाँच्नै गार्हो भयो हजुर !

.

टिका खड्का (राष्ट्रप्रेमी)

मधुमल्ला-४

मोरंग ,  

225.दुई थोपा आँशु तप्प चुहाएर गयो

दुई थोपा आँशु तप्प चुहाएर गयो
बैगुनीले जुनी भरी रुवाएर गयो !!

अंधेरीमा लुट्यो खुशी चुपचाप संहे
संम्झाउदै दुखी मन बुझाएर गयो||

प्यासी बनी मुस्कुराउदै समिपमा आयो
त्यो अतृप्त प्यास उस्ले मेटाएर गयो||

थाहा थियो पिउन हुन्न बिकृतीको बिष
खान्न खान्न भन्दा भन्दै कोच्याएर गयो||

जे जे भयो हिजो राती बिर्सिदेउ भन्दै
मेरो नाम एउटा चिट्ठी पठाएर गयो ||

जीतु खड्का गाँउले
मोरङ उर्लाबारी
हाल साउदी अरब

4.गजल-टिका खड्का "राष्ट्रप्रेमी"

छाती भरि घाऊ बोकी बाँचेकोछु हजुर ,
परेलीमा आँसु रोकी हाँसेकोछु हजुर |

आशा रुपी दियोहरु मन भित्र बाली ,
सुख खोज्दै रेगिस्तानमा नाँचेकोछु हजुर |

देश छोडी भेष छोडी समुन्द्रनै तरि ,
दु:ख सित मैले नाता गाँसेकोछु हजुर |

विरहले योमन् जल्दा ज्यानै सुक्यो मेरो ,
पिरै पिरमा यो जिन्दगी काटेकोछु हजुर |

सजाएर नयन भरि तस्बिर आफ्नै देशको ,
मुटु माँझ अपार मायाँ साँचेकोछु हजुर |

सुभ पल अनि कुसल मंगलको कामना |

टिका खड्का" राष्ट्रप्रेमी"
मधुमल्ला-४
मोरंग