कतै आस कतै त्रास, भएको छ जीवन ।।
समयकै सै दास, भएको छ जीवन।।
नफर्कने यात्रा पनि, गर्न गाह्रो हुँदोरैछ
भोली भाली मात्र आस, भएको छ जीवन ।।
बनाउन खोज्यो झन, विग्रन्छ जताततै
परिश्रमको मात्र नास, भएको छ जीवन ।।
यो गर्छु उ गर्छु , हुँदा पनि लक्ष धेरै
ईस्वरकै भरमा बास, भएको छ जीवन ।।
बसन्तको अपेक्षमा, खडेरीमा भौतारिएँ
दैबबाटै उवहास, भएको छ जीवन ।।
गन्तब्यनै देखिँदैन, लामो भयो यात्राहरु
असफलता सधै पास, भएको छ जीवन ।।
गर्नु छ धेरै तर , मर्दै गयो सहास पनि
बाँकि मात्र जिउँदो लास, भएको छ जीवन ।।
राम शरण श्रेष्ठ “राम”
चिसापानी गा.वि.स,
बडा नं. ६, रामेछाप ।।
No comments :
Post a Comment