 |
| पूर्ण गोर्खाली "मुस्कान" |
धेरै भयो खबर छैन् के छ तिम्रो हाल त्यता ?
म त यहाँ ठिकै थिएँ सुनाँउ तिम्रो चाल त्यता !
जस्तो सुनेँ उस्तै भनेँ खास कुरो के हो कुन्नि,
बिग्रिएको भन्छन् हो र ! अचेल तिम्रो ताल त्यता !
सुन्दै छु म , आफै जान्ने समाजको मै हूँ भन्दा,
प्रति दिन खान्छौ अरे दुनिँयाको गाल त्यता !
मनन् योग्य कुरा गर नगर्नु भो पक्षपात ,
फेरी किन बुन्छौ तिम्ले आफै फस्ने जाल त्यता ?
रैछौ तिमी स्वार्थि क्यार बुझ्न चाहेँ यति कुरा,
पर्ख अब फर्कि हाल्छु यो आँउदो साल त्यता !
पूर्ण गोर्खाली "मुस्कान"
गोर्खा - 3
मसेल, सपुङ्गे
No comments :
Post a Comment