200.दुई दिनलाई मात्र साईनो बुन्छन यहाँ।

दुई दिनलाई मात्र साईनो बुन्छन यहाँ।
चन्द्रमा झुल्काएर औँशी हुन्छन यहाँ॥

भो कसैको जिन्दगिमा खेलवाड नगर्नु है।
लोभ्याई कोमल मन पापले धुन्छन यहाँ॥

फँसाएर कसैलाई अन्तै शुर गर्नेहरु।
बाहिरी आँशु छाड्नेले जाल उन्छन यहाँ॥

बिस्वास गर्नु भुल थियो चिन्न पनी सकिन।
असल कुरा गर्दा गर्दै नराम्रो सुन्छन यहाँ॥

अधुरो प्रेम देखावटी झुठा ति बाचा कसम।
असल बन्न समाज सामु मुख थुन्छन यहाँ॥

कृष्ण पौड्याल
बम्घा एक गुल्मी