मेरो माया तिमी तिरै छ मैले ढाँट्या छैन हजुर,अन्त कतै तिमी बाहेक माया साट्या छैन हजुर ।
लोभी नजर लगाउदै एकान्तमा भेटौ भन्छन मलाई,
विश्वासघात गरी कहिल्यै कतै रात काट्या छैन हजुर ।
मुटु भरि तिम्रै माया सँगालेर राखेको छु जतन गरि,
बिर्सेर मैले अन्त मायाको गुलियो चाट्या छैन हजुर।
सुखी जीवन दिन्छु भनि अरब गयौ मेरा लागि,
तिमीलाई ढाँटी अरुलाई पनि बैंस बाँट्या छैन हजुर।
गाउँ घरमा कुरा काट्छन् खसम --- परदेशमा हुदाँ ,
पिरति को डोरिले कसैलाई अन्त बाध्या छैन हजुर।
copyright @ मोहन बिहानी,
भक्तिपुर-७ सर्लाही
No comments :
Post a Comment