285.सबैको दु:ख पिडा बुझ्ने, भगवान खोज्दैछु

सबैको दु:ख पिडा  बुझ्ने, भगवान खोज्दैछु
यो समाज  परिवर्तन गर्ने, विद्वान खोज्दैछु

किन हुन्छ भेदभाव, मान्छे  मान्छे बीचमा
सबैलाई समान रुपले हेर्ने,संविधान खोज्दैछु

रगत सबैको रातो  हुन्छ, किन बुझ्दैनन् खै
तँ'तँ'म'म बीच किन हुन्छ, समान खोज्दैछु

प्रेम सदभाव सहयोग, बिर्सनु हुन्न कहिल्यै
सबैमा यस्तै चेतना पुर्याउने,वरदान खोज्दैछु

धेरै पिर्सोलियौं हामि,अन्धकारको भुमरीमा
विश्वभरि नै शु-शान्ति छर्ने, बिहान खोज्दैछु

http://rohitmagar.blogspot.com/
रोहित राना
बुटवल-रुपन्देही
हाल-काबुल,अफगानिस्थान