अबिरल सागर सौगातका 5 गजलहरू(29-novmber-2013)

1) गजल

गजल
पठाऊ ती यादहरू फिर्ता पठाउ निष्ठुरी।
मेरो तस्बिर हरूमा आगो लगाउ निष्ठुरी।

म त गरीब के'नै दिन सक्छु र तिमीलाई।
जाउँ उस्कै धन-दौलतमा रमाउ निष्ठुरी।

दुख कष्ट आई नपरोस तिम्रो नया जिबनमा ।
जुनीजुनी उस्कै भई सिउँदो सजाउ निष्ठुरी।

जस्तोछु यतिकै सडकमा छोडीदेउ मलाई।
आफ्नो सुन्दर जिन्दगी बनाउ निष्ठुरी ।

अब त्यो तिम्रो झुठो माया चाहीदैन मलाई ।
हटाऊ दिलबाट'अबिरल'लाई हटाउ निष्ठुरी।

©अबिरल सागर सौगात
सालझण्डी१ रूपन्देही

2) गजल

गजल 

यो निरंकुश सरकार बदल्नुपर्छ। 
ति तानाशाही बिचार बदल्नुपर्छ । 

सधै अरूको गुलाम बसेर हुदैन । 
हाम्रो जिउने आधार बदल्नुपर्छ । 

हेर ति अरू देश कहा पुगीसके । 
अब नेपालको मुहार बदल्नुपर्छ । 

कति गर्छौ युद्ध भाई - भाईबीच। 
अब बुद्धबनि संसार बदल्नुपर्छ ।  

©अबिरल सागर सौगात 
सालझण्डी १ रूपन्देही 
२७ कार्तिक २०७०

3) गजल

गजल 

देशमा गणतन्त्र आएर के पाएँ जनताहरूले। 
शान्तीको गीत गाएर के पाएँ जनताहरूले। 

संविधान बनाउँन भनि ती नेताहरूलाई। 
सत्तामा फेरी पठाएर के पाएँ जनताहरूले। 

हाम्रा मागहरू सुनेनन् भन्दै बाटो बन्द गरी। 
सडकमा नारा लाएर के पाएँ जनताहरूले। 

सहिदहरूलाई सम्मान भन्दै सरकारले। 
शालिकमा फूल चढाएर के पाएँ जनताहरूले। 

सबै-सबै हाम्रा बलिदानहरू त्यसै खेर गए। 
दिनँहु आन्दोलन धाएर के पाएँ जनताहरूले। 

सर्वाधिकार: लेखक 
अबिरल सागर सौगात 
सालझण्डी-1 रूपन्देही

4) गजल 

गजल 

मिठा मिठा बातमा फसायौ । 
अनेक थरी सपना देखायौ । 

तिमीबीना बाच्न नसक्ने हुदा । 
बीचमै आज साथ छुटायौ । 

नभोक न निद्रा लाग्छ अचेल । 
मायामा कस्तो पागल बनायौ । 

अर्कैको डोली चढेर जादा तिमी । 
मलाई आज धरधरी रूवायौ । 

आधा जोबनसम्म कुराएर मलाई । 
सिउदो तिम्रो अर्कैलाई सुम्पायौ । 

© अबिरल सागर सौगात 
सालझन्डी १ रूपन्देही 
मिती /२०७०/०७/०३

5) गजल 

गजल 

पराईको घुम्टो ओढेर नजाउ सानु॥ 
अतितको याद छोडेर नजाउ सानु॥ 

संगै जिउने मर्ने खाका ति बाचा कसम॥ 
एकाएक आज तोडेर नजाउ सानु॥ 

जिन्दगीका यात्रा सँगै गर्छु भन्थ्यौ नि॥ 
बीचमै बाटो मोडेर नजाउ सानु॥ 

दुबै मिली पिरति फुलाउँनु छ यहा॥ 
नफक्रिदै सारा गोडेर नजाउ सानु॥ 

तिमी बिना एकपल बाँच्दिन भन्नेले॥ 
"अबिरलको"हृदय फोडेर नजाउ सानु॥ 

अबिरल सागर सौगात 
सालझण्डी-1 रूपन्देही