आगो बल्दैछ

जातिय हिंसा दन्केर आगो बल्दैछ
कठै मेरो देश खै कसरी चल्दैछ

आमा, कति बोकूँ छातीमा देशको माया
जिउँदै तिम्रो छोरो सडकमा जल्दैछ

कसरी मुस्कुराउन् लुम्बिनी, सगरमाथा ?
छिमेकीले कालापानी, सुस्ता छल्दैछ

गृहयुद्धमा फस्न लागिसकेछ राष्ट्र
प्रतिपक्षी भन्छ, ऊ सरकार ढल्दैछ

तिम्रै भूमिमा जन्मेर तिम्रै मान्छेले
बुद्ध, तिम्रै मुहारमा कालो दल्दैछ


विनोद विवश
कुश्मीसेरा १, बागलुङ
२०७२-०५-०८

see other post at: http://www.binodpoudyal.com.np/