 | ||
| अर्जुन ठकुरी, पर्बत |
उनी पारी म छू वारी के को मान्नु प्रेमदिवस !!
पोल्छ मन घरी घरी के को मान्नु प्रेमदिवस !!(१)
पल पल तड़पाइमै दिनहरू बितेका छन ,,
चोट मात्रै सधै भरी के को मान्नु प्रेमदिवस !!(२)
भक्कानिदै रुनु पर्छ सम्झियेर अतीत लाइ,,
झर्छ आशु धर धरी के को मान्नु प्रेमदिवस !!(३)
जिन्दगीको गोरेटोमा नपाउदा मायाको साथ,,
जिउनुछ मरी मरी के को मान्नु प्रेमदिवस !!(४)
चाहा थियो सजाउने टिपेर त्यों रातो गुलाब,,
ओइलिदा भुई झरी के को मान्नु प्रेमदिवस !!(५)
फूल पात केही छैन गुलाबको बोटमा हेर्दा ,,
काडा मात्रै वरी परि के को मान्नु प्रेमदिवस !!(६)
तिम्रै लागी साचेको थे मैले पनी लाली यौबन,,
फूटी गयो सीसा सरी के को मान्नु प्रेमदिवस !!(७)
अर्जुन ठकुरी
मल्लाज खोलाखेत
पर्बत
No comments :
Post a Comment