475.यदी तिमी माग्छौ भने, खुन दिन तयार छु ।

यदी तिमी माग्छौ भने, खुन दिन तयार छु ।
आकाशको तारा हैन , जुन दिन तयार छु ।।

तिमी मेरो जिन्दगीमा साथ दिन आयौ भने,
जुनि जुनि नबिर्सने, गुन दिन तयार छु ।।

हर पल खुशी बाड्दै तिम्रो दिल्मा शान्ति छर्न,

पिरतिका मिठा मिठा धुन दिन तयार छु ।।

धातुले नै नारीलाइ शोभा दिन्छ भन्छौ भने,
पित्तलका कुरा छोड, सुन दिन तयार छु ।।

'निर्दोषी'को दिल चोरी आफ्नो मान्छे बन्ने भए,
दुबै मुटु गाँठो पार्ने , उन दिन तयार छु ।।

रत्न शमशेर थापा 'निर्दोषी'
गजुल रोल्पा