तिम्रै खुसी गरिखानु, मोझमस्ति हाइहाई ।।
मन गरेर हुॅदो रैन, आफ्नै दिलमा राख्न
सानो आॅट्ले सकिन्न रैछ, उर्ल़््या भेल रोक्न
पानको पातमा टाॅस्या तस्विर, सक्यौ होला जलाई
बिदाई छ तिम्रो दिललाई, खुसी दिलले वाइवाई ।।।।
क्षितिजको ईन्द्रेणीझैॅ, रंगाउन खोज्दा
महल हुॅदो रैन झुप्रो, सजाउन खोज्दा
अब हाम्रो सम्बन्धको, हुने भो सफाई
बिदाई छ तिम्रो दिललाई, खुसी दिलले वाइवाई ।।।।
बधाई छ तिम्रो ज्यानलाई, यो मन छोडेकोमा
देऊरालीका हाम्रा वाचा, त्यसै तोडेकोमा
अरू-कोहिको फुलको मुना, सक्यो होला पलाई
बिदाई छ तिम्रो दिललाई, खुसी दिलले वाइवाई ।।।।
यो दिलमाझैॅ- त्यो दिलमा नि, नदेखाउनु जात्रा
वालुवामै फुल्न खोज्दा, ओइलाऊली नत्र
सम्झनिका टिलपील आॅसु, दिनु होला बगाई
बिदाई छ तिम्रो दिललाई, खुसी दिलले वाइवाई ।।।।
बिदाई छ तिम्रो दिललाई, खुसी दिलले वाइवाई
तिम्रै खुसी गरिखानु, मोझमस्ति हाइहाई ।।
दिपक निरौला (गजरा)
ताप्लेजुंग
( हाल: सिड्नी )
No comments :
Post a Comment