161.यौबन सबै बित्ने भो मरुभूमिको तातोमा

यौबन सबै बित्ने भो मरुभूमिको तातोमा 
जान्छ क्यारे प्राण पनि पराइकै माटोमा 

म यता उनि उता रुने यो कस्तो बिडम्बना 
आखा दुख्यो होला हेरी२ म आउने बाटोमा 

दुख पछि सुख आउछ भन्थे खै त आएन 
सुख नै लेख्याछैन होला यो ज्यानको पाटोमा 

के फल्दैन दुख गरे सबै छ त्यै हाम्रो बारीमा 
खोरिया खन्नु जाती यस्तो दुख गर्नुको साटोमा 

परदेशको यो महंगा खानाले कमजोर भए आज 
कति भिटामिन लुकेको छ त्यो ढिडो र आटोमा

बालकुमारफगामी मगर  
देविस्थान म्याग्दी ........