274.आकाशको जुन तारा झैं चम्किने मन हुँदा हुँदै!

आकाशको जुन तारा झैं चम्किने मन हुँदा हुँदै!
आफैं रुक्दो रैछ पाइला लम्किने मन हुँदा हुँदै!१

समयको छाल हजुर लाचार बनि झेल्नु पर्दा
ताला लाग्ने रैछ ओठमा बम्किने मन हुँदा हुँदै!!२
...
सोचे जस्तो नभै मानब निर्मित बस्तु बिपरित
बहि दिन्छ सुद्द पवन हम्किने मन हुँदा हुँदै!!३

जब खस्छ कठै! शिरमा अपार बज्र अनगिन्ति
बिवास्तामा खुल्छ बचन गम्किने मन हुँदा हुँदै!!४

नियतिले कयौं पटक मनमा चोट दिंदा कठै!
ढोग्छ मान्छे पाउ गर्धन छम्किने मन हुँदा हुँदै!!५

Asmi.Gm
अश्मि जी.यम