162.प्रेम भित्र पनी द्वन्द,कस्तो अचम्म

Rohit Rana

प्रेम भित्र पनी  द्वन्द, कस्तो अचम्म
हुंदैछ माया दुर्घन्ध,  कस्तो अचम्म

हूँ म जिउंदो लाश, उठी हिंडू कसरी?
छैन मुस्कान मन्द मन्द,कस्तो अचम्म

फूलको रानी  तिमी,फुल्छौ  वेमौसममा
त्यसैले  छैन नि सुघन्ध,कस्तो अचम्म

लोभिन्छ्न रे ,देखि उन्को मस्त जवानी
हेर न विचित्र घमन्ड, कस्तो अचम्म

लेख्दैछु एउटा  गजल,मन छुन्छ छुन्न
भए झैं लाग्यो बेग्लै छन्द,कस्तो अचम्म


बुटवल-रुपन्देही 

हाल-काबुल,अफगानिस्थान