125.म त्यो बगरमा, सुन फलाउँछु...(राम शरण श्रेष्ठ)

म त्यो बगरमा, सुन फलाउँछु ।।
म मेरो देश अब , आफै बनाउँछु ।।

दिन्छन् निरन्तर, पुग्ने गरी मलाई
हो त्यहि धर्तिमा, हलो चलाउँछु ।।

हेर्नुस् त ती जाँगरिला, कमिलाहरुलाई
म पनि त्यस्तै..., पसिना बगाउँछु  ।।

मलाई चाहिएन, सुनका महलहरु
म बरु सानै..., झुपडिमा रमाउँछु ।।

स्वाभिमान सगरमाथाझैं अटल भएको
यहाँ म हर ढुकढुकिमा.., बुद्ध पाउँछु ।।

हिमाल पहाड तराई  दुख्दा म दुख्छु
सबै नेपाली रमाउँदा म मुस्काउँछु ।।

राम शरण श्रेष्ठ
चिसापानी-6 रामेछाप ।
http://chisapaninepal.blogspot.com/