गजल ::: उनको छोरा हराएको नि आज धेरै दिन भयो ।

गजल 

उनको छोरा हराएको नि आज धेरै दिन भयो । 
घरमा फर्की नआएको नि आज धेरै दिन भयो । 

आफन्तदेखि सारा देशभरी खोजि गर्दा पनि । 
खबर केही नपाएको नि आज धेरै दिन भयो । 

छोरा आई संगै बसी मिलीजुलि खाउला भनि । 
आमाले खाना नखाएको नि आज धेरै दिन भयो । 

छोराको आउने बाटो हेर्दै आमाको आखाँबाट । 
आसुँका धारा रसाएको नि आज धेरै दिन भयो । 

©अबिरल सागर सौगात 
सालझण्डी-१ रूपन्देही 
१५ पौष २०७०