Comments for Samjhana kafle

कच्चा छु साह्रै कसरी बुझौँ यो 

यो दिव्यतामा कसरी भिजौँ हो 

चौतर्फ मेरो भ्रमको छ पर्दा 

गैह्रो छ खाई कसरी उठौँ हो ॥

गजल-बिर्सियछौ सबै दाइ धन कमाएपछी!!-Season Dangali(डाँगी कान्छो)

बिर्सियछौ  सबै  दाइ धन कमाएपछी!!
बाबा आमा अनि भाइ धन कमाएपछी!

छोडी गयौ हुर्की बढि खेलेको त्यो गाउँ !!
-------बस्दै हौला रमाइ धन कमाएपछि!

कुरा काट्दै हिड्ने तिम्रा  साथीहरु  पनि !!
खोज्दै होलान तिमिलाइ धन कमाएपछि!

चारैतिर  चर्चा  सुन्छु  तिम्रो त्यो सहरमा!!
---------गर्दैछौ  रे  रजाइ धन कमाएपछी!

               घोराही-११दाङ

गजल-आज अलि वेशी-वेशी, गए जस्तो छ नि साथी -दिपक निरौला

आज अलि वेशी-वेशी, गए जस्तो छ नि साथी?
हल्का हल्का रमाईलो, भए जस्तो छ नि साथी?

मेरो पनि यस्तै भा'थ्यो, कहानिमा ट्विस्ट हुँदा ।
आँखा भित्र सप्तकोसी, बहे जस्तो छ नि साथी?

टिलपिल-टिलपिल मेहफिलमा, छल्काएर बगाउनु छ ।
बगाएर अर्को पिडा, सहे जस्तो छ नि साथि?

खा'को बेला नफोरेर, कहिले फोर्ने पापी दील ।
निष्ठुरीको एउटा खिल, रहे जस्तो छ नि साथी?

रात् भो त्यसै तमासको, प्याला भित्र रंगीएर ।
बाँकी भा'को होश सबै, लहे जस्तो छ नि साथी?

आज अलि वेशी-वेशी, गए जस्तो छ नि साथी?
हल्का हल्का रमाईलो, भए जस्तो छ नि साथी?

दिपक निरौला
सिड्नी

गजलकार बिष्णु वली का ५ गजलहरू (5 Ghazals by Bishnu Oli) -25-09-2016

१.गजल
मेरो पाइला पाइलामा,ठेस लाग्छ किन,,
मर्नु भन्दा बउलाउन,बेस लाग्छ किन,,

जेगरेपनि मनपरी छ,यहाँ हुनेखानेलाई
मात्र दुखी गरिबलाई,केस लाग्छ किन,,

न यहाँ भित्री मन हेरे,नत हेर्ननै चाहान्छन
इनलाई मन भन्दा राम्रो,फेस लाग्छ किन,,

झिलि मिली बसिएकै छ, ठुलो  महलमा
र पनि प्यारो आफ्नै, देश लाग्छ किन,,
बिष्णु वली
दाङ्ग हाल मलेसिया

गजल-पछाडी पनि आँखा भै दिए पो (राम शरण श्रेष्ठ)

पछाडी पनि आँखा भै दिए पो 
मान्छे सधैं नै बच्चा भै दिए पो 
..
खबर पाइँन तिमी त गैसकेछौ
मेरै सामुन्ने सदा भै दिए पो 
...
आकास खसेनन् तारा झरेनन्
केही सपना त पूरा भै दिए पो 
...
यो जीन्दगी कसरी जीन्दगी भनुँ 
तिमी आधा म आधा भै दिए पो
..
छातिमा टेकेरपो हिँड्नु भएछ 
सधै बाटा सजिला भए दिए पो 
...
ज्यूदो छु या मरे बुझ्नै सकिन 
देखिने बरु आत्मा भै दिए पो 
..
हजारौ भेटिन्छन् यि भिडहरुमा
तर कोहि त आफ्ना भै दिए पो 
राम शरण श्रेष्ठ
चिसापानी, रामेछाप ।
05-Feb-2015

गजल-डाक्टर - बैद्य दुश्मन लाग्दा , देश बनेन -मधु सुदन लुइँटेल

डाक्टर - बैद्य दुश्मन लाग्दा , देश बनेन
कौवा हरुको लाममा भाग्दा , देश बनेन !!

साठी बर्षे युवा हरुले ,सत्ता हाँके अनि
पानी मरुवा जवान थाक्दा , देश बनेन !!

बाक्लो दाल खाने आशले ,बंडा गर्दा गर्दै
संसद भित्र खिचडी पाक्दा ,देश बनेन !!

बाँचुन्जेल आफु मात्रै , सत्ता हत्याउन
ब्रम्ह नालमा सुत्ने जाग्दा , देश बनेन !!

सक्षम अनि अनुभबी चालक पाखा लगाई
कच्चा  चालक  ल्याई  हाँक्दा ,देश बनेन !!

चलाउन स्रोत साधन , नजानेर हरपल
हात फैलाई भिक माग्दा , देश बनेन !!

पुर्खाको त्यो जिउँदो इतिहाँस, जरै उखेलेर
बाघको छाला आसन ताक्दा , देश बनेन !!

डाक्टर - बैद्य दुश्मन लाग्दा , देश बनेन
कौवा हरुको लाममा भाग्दा , देश बनेन !!

मधु सुदन लुइँटेल
नागार्जुन नगर पालिका
वडा .न .११ ,भिमढुंगा,
काठमाडौँ

गजल-भ्रमण शुरु हुने भयो , दिल्ली भएर ।मधु सुदन लुइँटेल ।

भ्रमण शुरु हुने भयो , दिल्ली भएर
नफर्किनुस रुझेको , बिल्ली भएर !!

आयोजना रात्रीभोज , हुँदा भब्य त्यहाँ 
फस्नु होला बेहोसिमै ,.सिल्ली भएर !!

जाँदाजस्तो चमकहुन्छ ,फर्किनुनि उस्तै
नदेखाउनु बनाई मुहार , पिल्ली भएर !!

अस्विकारी लोभको प्रस्ताब ,देश सम्झिएर
पड्काई दिनु जिब्रो जिरे , चिल्ली भएर !!

चोट लागे जनताको ,आशा भरोषामा
जल्नु पर्ला चुरोटको , खिल्ली भएर !!

हेक्का राख्नु मातृभूमि , बोल्दा जोसिएर
चिप्ली जाला रास्ट्रीयता , झिल्ली भएर !!

भ्रमण शुरु हुने भयो , दिल्ली भएर
नफर्किनुस रुझेको , बिल्ली भएर !!

मधु सुदन लुइँटेल
नागार्जुन नगर पालिका
वडा .न .११ ,भिमढुंगा,
काठमाडौँ

गजल(मेरो पनि एकदिन जिन्दगी बन्नेछ ।रमेश "संयोग" श्रेष्ठ ।

मेरो पनि एकदिन जिन्दगी बन्नेछ ।

अनि यहि दुनियाँले तारिफ गर्नेछ ।।

मेरो जिन्दगीमा नजर गाड्नेहरुको ।
कुनै दिन मेरै अगाडि शिर ढल्नेछ ।।

सधैं रमाइलोमा जीवन बिताउनेको ।
पीडा पर्दा अचानक आँसु खस्नेछ ।।

जन्म पछि मृत्यु निस्चित हुने हुँदा ।
सबैलाई दैवले यमलोकमा लग्नेछ ।।

रमेश "संयोग" श्रेष्ठ
मोरङ राजघाट ५
हाल :- साउदी अरेबिया
09/09/2016

सङ्ग्रह "गजल इन्द्रेणी" दोस्रो अङ्कको लागि गजल अाह्वान २०७३ भाद्र १५ भित्र पठाइसक्नु पर्ने - के कस्ता प्रकृया छन् यता हेर्नुस

यहि आगामी भाद्र १५ गतेलाई अन्तिम मितिको समय सीमा निर्धारण गरेर प्रकाशोन्मुख कृति गजल इन्द्रेणी दुई  ले गजल सँकलन सुरू गरिसकेको कुरा यसै स्टाटस मार्फत जानकारी गराउन चाहन्छौँ।तपाईं पनि आफ्ना आठ बहरे वा लयात्मक गजल पठाएर गजल इन्द्रेणीको दोस्रो अँकमा सहभागी हुन सक्नुहुनेछ।याद राख्नुस गजल इन्द्रेणीमा गजल पठाए/छपाए बापत कुनै शुल्क तिर्न पर्ने छैन,हजुरको सहयोगको कृतज्ञता स्वरूप धेरै/थोरै पारिश्रमिकको व्यवस्था हामी गर्नेछौ। गजल "गजल इन्द्रेणी" को फेसबूक पेजको म्यासेज बक्समा वा gazalindrani@gmail.com मा पठाउन सक्नुहुनेछ।

धन्यवाद

गजल इन्द्रेणी परिवार

...............

नेपाली भाषा साहित्यमा गजल विधाको संरक्षण र सम्बर्द्धनमा कटिवद्ध समूह गजल इन्द्रेणी आफ्नो दोस्रो अङ्क प्रकाशनको तयारीमा रहेको सहर्ष जानकारी गराउँदछौ । नेपाली गजलमा साधनारत साधकहरूको संयुक्त कृतिको रूपमा प्रकाशनको तयारीमा रहेको सङ्ग्रह "गजल इन्द्रेणी"मा सहयात्राको निम्ति सम्पूर्ण गजलानुरागी महानुभावहरूमा हार्दिक अनुरोध गर्दछौँ ।

१) गजल पूर्णतया गजलकारको मौलिक हुनुपर्नेछ।

२) कसैको गजल चोरिएको, तोडमोड गरिएको, कुनै छापा माध्यमबाट पूर्व प्रकाशित पुष्टि भएमा स्वतः रद्द हुनेछ । पुस्तक प्रकाशन पश्चात् यो कुरा जानकारीमा आएमा गजलकार स्वयं जवाफदेही हुनुपर्नेछ ।

३) एकजना गजलकारले ८ ओटा गजल पठाउनु पर्नेछ र तिनीहरूबाट छनौट भएका ५ गजल मात्र सङ्ग्रहमा छापिनेछन् ।

४) बहरवद्धता प्राथमिकतामा रहनेछ ।

५) गजलले कसैको व्यक्तिगत जीवनी, भाषा, धर्म, संस्कारप्रति प्रश्न उठाएको हुनुहुने छैन।

६) गजलकार र गजल छनौट समितिको बारेमा जानकारी गोप्य रहनेछ ।

७) गजल यही भाद्र १५ गते सम्म आई पुग्नुपर्नेछ।

८) गजल हामीले उपलब्ध गराएको ठेगाना बाहेक अन्त आएमा वा निर्धारित समय अवधि भन्दा पछाडि आएमा छनौटमा सहभागी गराइने छैन।

९) गजल देवानगरी लिपिमा लेखिएको नेपाली भाषामा हुनुपर्नेछ ।

१०) गजलकारले गजल छापिए बापत कुनै शुल्क तिर्नुपर्ने छैन, बरू गजल पठाएर/छपाएर सहयोग गरे बापत धेरै थोरै पारिश्रमिकको व्यवस्था गर्नेछौँ ।

११) गजल इन्द्रेणीको पहिलो अङ्कमा गजल छापिएका गजलकारहरूको गजललाई छनौटमा सहभागी गराइने छैन ।

१२) प्रकाशकले पनि गजल पठाउन सकिने छ ।

१३) गजल छनौट सम्बन्धी सर्वाधिकार छनौट समितिमा रहनेछ ।

१४) गजलको सम्पादन आवश्यक देखिएमा गजलकारसित छलफल गरेर सम्पादन गरिनेछ ।

१५) गजल कम्तीमा ५ शेर र बढीमा ७ शेरको हुनुपर्नेछ । ………………… गजल यसै गजल इन्द्रेणी पृष्ठमा सन्देश (message) को रूपमा पठाउनुहोला ।

https://www.facebook.com/indreniseries

धन्यवाद

नेपाली गजल

गजल-प्यार बोकेर सुमधुर प्रिया यस्तो भन्छिन (खगेन्द्र बोहरा)

प्यार बोकेर सुमधुर प्रिया यस्तो भन्छिन

घर आउनु न हजुर प्रिया यस्तो भन्छिन  

  सुख दुःख दुबै मिलि यतै गरौंला नि

चाहिदैन सुनको गजुर प्रिया यस्तो भन्छिन

   सायदै बिलासिता नमिल्ला म मान्छु

हुन्छ आत्मा खुशी जरुर प्रिया यस्तो भन्छिन

   घर बाट जतिसुकै टाढा बसे पनि

हुदैन आफ्नोे लाहुर प्रिया यस्तो भन्छिन

  यसपालि त बाबा घर आउनु हुन्छ भनी

छोराछोरी भा छन् आतुर प्रिया यस्तो भन्छिन

खगेन्द्र बोहरा

गुलरिया कंचनपुर

गजल-आउ नक्कली बिरामी बनी नक्कली डाक्टर यहि छ्न (गोमा श्रेष्ठ)

आउ नक्कली बिरामी बनी नक्कली डाक्टर यहि छ्न ।
कसैको महल कसैको घाम पानी नओत्ने घर यहि छ्न  ।

 लोग्ने नक्कली स्वास्नी नक्कली यहाँ बच्चाहरु पनि  अब,
नक्कली जन्मलान कि भन्ने त्रास अनि डर यहीँ छ्न ।

कुन सक्कली कुन नक्कली खुट्याउनै गाह्रो भै सक्यो यहाँ  
घरनीति देखि राजनीतिसम्म चोर फटाहा अक्सर यहीँ छ्न ।

सक्कली एउटा छ सगरमाथा र बुद्ध जन्मिएको भुमी छ
स्वार्थ अनि सानो मन भएका ठुला ठुला शहर यहीँ छ्न ।

सबै नक्कली अनि देखावटी पाराको माया पनि त्यस्तै,
 चोखो मायाको खोजी नगर्दा हुन्छ जाली अधर यहीँ छन ।

गजल गायन-उसैलाई सम्झेर बसिरहेछु (राम शरण श्रेष्ठ)

उसैलाई सम्झेर बसिरहेछु
फैसला कुरेर बसिरहेछु
स्वर, रचना, लय
राम शरण श्रेष्ठ
मात्र हारमोनियममा
Listen at YouTube

गजल गायन-अब जिन्दगीको उठी बास उठ्ला (राम शरण श्रेष्ठ)

गजल गायन-अब जिन्दगीको उठी बास उठ्ला
रचना, लय र गायन
राम शरण श्रेष्ठ
चिसापानी रामेछाप ।
Ghazal
Aba Jindagiko Uthibas Uthala
Uta Doli Uthda Yata Las Uthala
Lyric, Music and Vocal
Ram Sharan Shrestha

अब जिन्दगीको उठी बास उठ्ला
उता डोली उठ्दा यता लास उठ्ला
..
आज सरिर बाट मुटु चुँडी लगे
धड्कन सँगै मेरो अब स्वास उठ्ला
..
कुनै दिन त भए हाम्रो प्रेम चर्चा
उघारेर पर्दा इतिहाँस उठ्ला
..
उस्कै हुकुम हो यो मर्नु पर्छ मैले
नठान्नु अब फेरी तिम्रो दास उठ्ला
राम शरण श्रेष्ठ
चिसापानी रामेछाप ।
Listen at YouTube

तिहार विशेष गजल- सबैका घरघरमा लक्ष्मी आओस तिहारमा_राम शरण श्रेष्ठ

झिलिमिली बत्तिले उत्सब ल्याओस तिहारमा

सबैका घरघरमा लक्ष्मी आओस तिहारमा

..

देशै भरी दिपावली लक्ष्मी पुजा भाई टिका

देउसी भैलो रमाईलो धुन छाओस तिहारमा

..

नहोस खाली निधार भाईको हात दिदिवहिनीको

ओखर सँगै साँढेसाती फूटी जाओस तिहारमा

..

सप्तरंगी टिका माला दिदिबैनीको हातबाट 

सबले टिका यसपाली लाउन पाओस तिहारमा

...

झिलिमिली बत्तिले उत्सब ल्याओस तिहारमा

सबैका घरघरमा लक्ष्मी आओस तिहारमा

राम शरण श्रेष्ठ

चिसापानी रामेछाप 

गजलका फूलहरू -57 : (23-10-2014/2071-07-06 -

र बुलबुलम २०७० तिहार विशेषमा बाचन भएको 

अनुप सापकोटाका २ गजलहरू -04-09-2015

१,निन्द्रा छैन रातमf अच्रेल
आजकल त किन हो खै,निन्द्रा छैन रातमा अचेल।
सराबमा चलेको छु,शक्ति छैन भातमा अचेल।।

लोभिएर फसेछु म त्यो, तिम्रो चक्रबिउमा।
पहिलेजस्तो निसन्देह सत्य छैन बातमा अचेल ।।

मुटुको धडकन अनि मनमा पनि हुन्छु भन्थेउ। 
हिडेकि छेउरे अर्कै सङग, मत छैन साथमा अचेल।।

अनयासै आजभोली डुल्दोरैछु गल्लि गल्ली।
सुनेकोछु तिम्रो अहिले ,भुइँ छैन लातमा अचेल।।


2.मन पर्दैन साथी
शुभकार्यमा आनाकानी ,मनपर्दैन साथी ।
गल्ती गर्छउ जानाजानी, मनपर्दैन साथी

अतीतका झल्कोहरू बिर्से हुन्छ अब।
पल्टाउछउ पानापानि मन पर्दैन साथी

माया भन्ने शब्द जब सुन्छु मैले कसैबाट।
चर्किन्छ यो कुनाकानी मन पर्दैन साथी ।।

सिपालुछउ कुरा गर्न नेताज्युनै बन्छउकित
बन्दहडताल आगजानी मन पर्दैन साथी

आगो बल्दैछ

जातिय हिंसा दन्केर आगो बल्दैछ
कठै मेरो देश खै कसरी चल्दैछ

आमा, कति बोकूँ छातीमा देशको माया
जिउँदै तिम्रो छोरो सडकमा जल्दैछ

कसरी मुस्कुराउन् लुम्बिनी, सगरमाथा ?
छिमेकीले कालापानी, सुस्ता छल्दैछ

गृहयुद्धमा फस्न लागिसकेछ राष्ट्र
प्रतिपक्षी भन्छ, ऊ सरकार ढल्दैछ

तिम्रै भूमिमा जन्मेर तिम्रै मान्छेले
बुद्ध, तिम्रै मुहारमा कालो दल्दैछ


विनोद विवश
कुश्मीसेरा १, बागलुङ
२०७२-०५-०८

see other post at: http://www.binodpoudyal.com.np/

गजल

बनावटी चाहना होइन यो,नरिसाउ प्रिय

१. गजल
बनावटी चाहना होइन यो,नरिसाउ प्रिय । 
तिम्रो जीवन मात्र मेरो,अन्त नबिसाउ प्रिय ।।  

नतमष्तक भै सधैंभरी तिमीलाई नै चाहेको छु 
ख्याल सम्झी मलाई तिमी नगिज्याउ प्रिय ।

चरित्र आफ्नो ख्याल गरी अघि बढ्नु सधैं
इज्जत लिलाम हुने गरी अरुलाई,नरिझाउ प्रिय।

चाहना मनका यति धेरै तिमीलाई मात्र पाउने 
दिल खोलेर पोख भाव,नलजाउ प्रिय। 

ईशारा र सुस्केराले तिमीसँग कुरा गर्छु 
म नै लज्जित हुने गरी नचिच्याउ प्रिय। 
लालु क्षेत्री "कोकिल"
शुक्रनगर-३,चितवन

२. गजल
तिमी छ्यौ र त म मा आस्थाको एउटा फूल छ। 
हामी छौ वारिपारि बिचमा एउटा पुल छ ।

अल्पमतमा सँधै परिरहन्छु म आजभोलि 
यो तन अन्तै भएपनि,मन तिमीमा डुल्छ । 

चिनी पानीमा बिलाए सरी हराउँछु म तिमीभित्र 
त्यसैले त हाम्रो मायाँ एक आपसमा घुल्छ । 

त्यो चम्किलो मुहार मात्र देख्न पाउँ सँधै 
आवाज मात्र देउ तिमी दिलको ढोका खुल्छ । 

जे चाह्यो त्यसलाई पाउने घमण्ड छ म मा 
नपाए अरुको हुन नदिने यो "कोकिल"को वसुल(बानी) छ।

यज्ञ प्रसाद गिरीका ५ गजलहरू

1.गजल
तिमी छौ र त यो शहर सुन्दर लाग्छ ;
तिमी छौ र त यो घर मन्दिर लाग्छ ।
(१)
लाग्दैन केही’नि ठुलो यो दुनियामा ;
तिम्रो मायानै, श्रेष्ठताको शिर लाग्छ ।
(२)
मन तिम्रो उदार र ऊच्च सोचको धनि ;
सुन्दर र स्वस्थय, तिम्रो शरिर लाग्छ ।
(३)
के के लाग्छ, सक्दैन भन्न, किमार्थ म;
माया भने तिम्रो कसम, गम्भिर लाग्छ।
(४)
साथ तिम्रो नपाउँदा, जिन्दगीको सफरमा;
सम्मो बाटो’नि, अनकन्टार भिर लाग्छ ।
रचना : यज्ञ प्रसाद गिरी
आनन्दबस्ती, ललितपुर
बैशाख ३ गते बिहीबार, २०७२ साल

गजल-सानै कुरा ठुलो पारी -उपेन पहाडी

सानै कुरा ठुलो पारी सताउनेको के भरोसा।
हप्तैपिच्छे बजारतिर धाउनेको के भरोसा।

सारी रोइ चोली रोइ चौबन्दी नि रोइरही।
असलिल भन्छु छोटा लगा लाउनेको के भरोसा।

देख्दा चालामाला यहाँ जवान बन्छन बुढा पनि।
ऐनाभन्दा बढी मुहार सजाउनेको के भरोसा।

भन्छन युगले पनि नाम थर भुल्दैछ रे।
झुठो नाम झुठो थर बताउनेको के भरोसा।

गर्याछैन बिहे भन्छन धरोधर्म ढाट्याछैन।
दोहोरीभन्दा लोरी राम्रो गाउनेको के भरोसा।
उपेन पहाडी( उपेन्द्र राई)
पाथेका ६ खोटाङ